ВӘЛИЕВ Дамир Жәүәт улы

ВӘЛИЕВ Дамир Жәүәт улы (2.1.1940, Силәбе өлкәһе Этбай а. — 28.5.2002, Өфө ҡ., Силәбе өлкәһе Яңы Субыл а. ерләнгән), философ, йәмәғәт эшмәкәре. БР ФА‑ның мөхбир ағзаһы (1991), философия фәндәре докторы (1984), профессор (1987). БАССР‑ҙың атҡаҙанған фән эшмәкәре (1990). Свердловск юридик институтын тамамлаған (1965). 1970 й. алып БДУ‑ла эшләй: 1985 й. — дәүләт һәм хоҡуҡ теорияһы һәм тарихы кафедраһы, 1986 й. башлап этика, эстетика һәм культурология кафедраһы мөдире, бер үк ваҡытта 1986—87 йй. тарих факультеты деканы. Фәнни тикшеренеүҙәре этикаға, Башҡортостанда йәмәғәтселек фекере тарихына, суверенитет һәм федерализм проблемаларына арналған. “Урал” Башҡ. халыҡ үҙәген, Башҡортостан халыҡ партияһын төҙөү инициаторҙарының береһе.

  Х е ҙ м.: Этика. Өфө, 2004; История башкирской философской и общественно‑политической мысли; основные тенденции развития. Уфа, 2001; Нравственная культура башкирского народа: прошлое и настоящее. Уфа, 2010.

 Ф.С.Фәйзуллин

Тәрж. Г.Ҡ.Ҡунафина