ВИЛДАНОВ Урал Сәлим улы
ВИЛДАНОВ Урал Сәлим улы (4.11.1956, БАССР‑ҙың Учалы районы Илсе а.), философ. Философия фәндәре докторы (2000), профессор (2001). Х.С.Вилдановтың ағаһы. Урал дәүләт университетын тамамлағандан һуң (Свердловск ҡ., 1983 й.) БДУ‑ла, 1985 й. алып ӨАИ‑ла, 1990 й. башлап БДПИ‑ла уҡыта; 1992—98 йй. — БДУ‑ың Сибай институтында ижтимағи фәндәр, 2001 й. башлап философия кафедраһы мөдире. 2010 й. алып БДУ‑ның социаль хеҙмәт кафедраһы мөдире, 2021 й. — М.Солтанова исемендәге Ислам колледжында уҡыта. Фәнни тикшеренеүҙәре онтология һәм гносеология, социаль процестарҙы планлаштырыу, прогнозлау, улар менән идара итеү проблемаларына арналған.
Х е ҙ м.: Феномен мыслителя (от разума к мудрости). Уфа, 2004; Человек в трансцендентально‑философской мысли Востока: гносеологический анализ. Уфа, 2006; Гносеологический анализ ценностей и ценностных ориентаций. М., 2008 (авторҙ.); Смысл жизни человека: гносеологический анализ. Уфа, 2012 (авторҙ.).
Тәрж. Г.Ҡ.Ҡунафина