Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ҒӘЛИМОВ Баязит Сабирйән улы

Просмотров: 1396

ҒӘЛИМОВ Баязит Сабирйән улы (26.5.1942, БАССР-ҙың Маҡар районы Кинйәбулат а. (БР‑ҙың Ишембай районы), философ. Философия фәндәре докторы (1989), профессор (1990). БР‑ҙың атҡаҙанған фән эшмәкәре (1997), РФ юғары мәктәбенең атҡаҙанған хеҙмәткәре (1997). БДУ‑ны тамамлағандан һуң (1965) 2018 й. тиклем шунда уҡ эшләй: 1989 й. алып проректор, 2005—10 йй. баш ғилми секретарь, бер үк ваҡытта 1995 й. башлап философия кафедраһы мөдире. Фәнни тикшеренеүҙәре философияның төп проблемаларына, Башҡортостанда философик фекер тарихына арналған. Рәсәй философия йәмғиәтенең Башҡортостан бүлексәһе рәйесе (1992 й. алып). Халыҡтар дуҫлығы ордендары менән бүләкләнгән (1986).

  Х е ҙ м.: Биосоциосистема: опыт потребностного подхода. Уфа, 2000 (авторҙ.); Эволюционная картина природы. Уфа, 2008; Очерки истории башкирской философской мысли. Уфа, 2013 (авторҙ.).

Ғ.Ғ.Сәлихов

Тәрж. Г.Ҡ.Ҡунафина

 

 

Дата публикации: 10.10.2019
Дата последнего обновления публикации: 27.03.2023
Связанные темы рубрикатора: