“ГАЗ-СЕРВИС”
“ГАЗ-СЕРВИС”, ААЙ. Тәбиғи газды ташыу, шыйыҡландырылған газды һаҡлау һәм һатыу, БР-ҙың газ бүлеү селтәрҙәрен файҙаланыуҙы тормошҡа ашыра; ҡулланыусыларға газ биреүҙе тәьмин итә. Өфөлә урынлашҡан. “Г.-С.” составында 20 филиал (41 мең км газ селтәре) бар. 2010 й. 8223 кеше эшләгән. Хеҙмәттәрен ҡулланыусылар — БР пр-тиелары һәм халҡы.
1963 й. газ хужалығының ҡала пр-тиелары нигеҙендә “Башгаз” производство‑файҙаланыу тресы булараҡ нигеҙ һалына, 1965 й. алып газ хужалығын файҙаланыу б-са производство идаралығы, 1982 й. — “Башгаз” газ м-н тәьмин итеү һәм газ үткәреү ПБ. 1991 й. башлап хәҙ. исемде йөрөткән ЯАЙ, 1994 й. хәҙ. статусын ала.
Р.Р.Воробьёва
Тәрж. Г.Ҡ.Ҡунафина