ГЛАУКОФАН

ГЛАУКОФАН (грекса glaukḗs — күкһел йәшел һәм phanḗs — тойолған), һелтеле амфиболдар төркөмө минералы, Na₂Mg₃Al₂ [Si₈O₂₂](OH)₂. Кристалдары призматик, энәле. Агрегаттары нурлы, сүсле, сферолитлы. Төҫө тоноҡ зәңгәрҙән ҡуйы шәмәхәгә тиклем, быяла кеүек ялтыр. Ҡатылығы 6, тығыҙлығы 3100—3400 кг/м³. БР‑ҙа Мәҡсүт метаморфик комплексында киң таралған.

  Әҙәб.: А л е к с е ев А.А. Минералогия, минеральные ассоциации и метаморфические фации максютовского эклогит-глаукофаносланцевого комплекса //Магматизм, метаморфизм и рудоносность Южного Урала. Уфа, 1975; Г о д о в и к о в А.А. Минералогия. М., 1975.

А.А.Алексеев

Тәрж. Э.М.Юлбарисов