ГОЛУБЕВ Михаил Викторович

ГОЛУБЕВ Михаил Викторович (23.3.1970, Нефтекама ҡ. — 28.10.2010, Өфө ҡ.), инженер‑технолог. Техник фәндәр докторы (2006). ӨДНТУ‑ны тамамлағандан һуң (1993) “Реактив” ғилми-производство фирмаһы ЯСЙ‑ның өлкән ғилми хеҙмәткәре булып эшләй. 1998 й. алып Башҡортостан нефть ғилми-тикшеренеү һәм проект институтында: өлкән ғилми хеҙмәткәр, 2002 й. башлап төркөм етәксеһе; 2003 й. алып ӨДНТУ‑ла. 2006 й. башлап “Роснефть—УфаНИПИнефть” ЯСЙ‑ның бүлек начальник урынбаҫары. Фәнни эшмәкәрлеге нефть һәм газ ятҡылыҡтарында нефть, газ һәм һыу йыйыу системаһын камиллаштырыуға, унда реагенттарҙы, ш. иҫ. коррозия ингибиторҙарын рациональ ҡулланыуға бәйле.

Хеҙм.: Осложнения в нефтедобыче. Уфа, 2003 (авторҙ.); Сбор и подготовка сернистой нефти. Уфа, 2005 (авторҙ.); Состояние и перспективы развития ресурсно-сырьевой базы нефтяной и газовой промышленности России: обзор текущей информации. Уфа, 2005 (авторҙ.).

Тәрж. Э.М.Юлбарисов