Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ҒӘЛИЕВ Вил Барый улы

Просмотров: 1174

ҒӘЛИЕВ Вил Барый улы (1.9.1932, БАССР-ҙың Учалы районы Ахун а. — 4.3.2015, Өфө ҡ.), инженер-механик. Техник фәндәр докторы (1988), профессор (1990). БАССР‑ҙың атҡаҙанған фән һәм техника эшмәкәре (1977), СССР‑ҙың газ сәнәғәте отличнигы (1968), СССР‑ҙың нефть сәнәғәте отличнигы (1978), СССР‑ҙың нефть һәм газ сәнәғәте предприятиеларын төҙөү отличнигы (1982). ӨНИ‑не тамамлағандан һуң (1955) Башҡортостан нефть үткәргестәре идаралығы предприятиеларында эшләй; 1962—84 йй. һәм 1992 й. алып ӨДНТУ‑ла (1968 й. башлап етәксе хеҙмәткәрҙәрҙең һәм белгестәрҙең квалификацияһын күтәреү факультеты деканы). 1985—92 йй. Төмән индустриаль институтында (1987 й. алып торба үткәргестәр һәм һаҡлағыстар төҙөү кафедраһы мөдире), 1995—2001 йй. Республика хеҙмәтте һаҡлау һәм экология тармаҡ уҡыу‑аттестация үҙәгендә эшләй. Фәнни эшмәкәрлеге нефть продукттары өсөн резервуарҙар проектлауға арналған. Ғ. эшләгән йомшаҡ һәм баҫылған тупраҡта резервуарҙар төҙөү өсөн нигеҙ проекттары БР‑ҙың һәм РФ‑тың башҡа төбәктәре нефть сәнәғәте предприятиеларында индерелгән. И.М.Губкин исемендәге премия лауреаты (1982).

  Хеҙм.: Эксплуатация стальных вертикальных резервуаров в сложных условиях. М., 1981; Магистральные нефтепродуктопроводы. 2-е изд., перераб. и доп. М., 1988 (авторҙ.); Аварии резервуаров и способы их предупреждения. Уфа, 2004 (авторҙ.).

Е.М.Муфтахов

Тәрж. Р.Ғ.Ғилманов

 

Е.М.Муфтахов
Дата публикации: 10.10.2019
Дата последнего обновления публикации: 22.09.2022
Связанные темы рубрикатора: