Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ГЛОБУЛЯРИЯ

Просмотров: 600

ГЛОБУЛЯРИЯ, йомрогөл (Globularia), глобулярия һымаҡтар ғаиләһенә ҡараған үҫемлек заты. 20‑нән ашыу төрө билдәле, Төньяҡ Африкала һәм Европала таралған. Башҡортостанда һипкелле Г. үҫә. 10—30 см бейеклектәге күп йыллыҡ үлән үҫемлеге. Һабағы төҙ, тармаҡһыҙ. Япрағы ябай; һабаҡ япраҡтары ваҡ, ланцет рәүешендә, ултырма, һабаҡҡа һыйынған; тамыр яны япраҡтары розеткала, ҡалаҡса һымаҡ йәки кире йомортҡа рәүешендә, ҡайһы ваҡыт уйымлы, оҙон һаплы. Сәскәһе күк-шәмәхә төҫөндә, сәскәлеге тумалаҡ. Июндә сәскә ата. Емеше — ваҡ сәтләүек, июль—авг. өлгөрә. Далала, эзбизташлы һәм аҡбурлы битләүҙәрҙә, урман ситендә үҫә. Бишбүләк, Бөрйән, Бәләбәй, Йәрмәкәй, Күгәрсен, Миәкә һәм Мәләүез р‑ндарында осрай. Декоратив үҫемлек. БР‑ҙың һәм РФ‑тың Ҡыҙыл китабына индерелгән.

Е.В.Кучеров

Тәрж. Г.А.Миһранова

Дата публикации: 10.10.2019
Дата последнего обновления публикации: 17.10.2019