ДЕНИСОВ Евгений Тимофеевич
ДЕНИСОВ Евгений Тимофеевич (19.6.1930, Калуга ҡ. — 13.10.2017, Черноголовка ҡ.), физик-химик. Химия фәндәре докторы (1966), профессор (1970). РФ‑тың атҡаҙанған фән эшмәкәре (2001). Фәнни эшмәкәрлеге радикал‑сылбырлы реакцияларҙың кинетикаһын һәм механизмдарын тикшереүгә, атомдарҙың, молекулаларҙың һәм радикалдарҙың реакцияла ҡатнаша алыу һәләтлеген өйрәнеүгә арналған. Д. тарафынан углеводородтарҙың, аминдарҙың һәм кислородлы органик берләшмәләрҙең шыйыҡ фазалы радикал‑сылбырлы окисланыу теорияһы уйлап табылған. БДУ‑ла химик кинетика кафедраһын ойоштороусыларҙың береһе һәм 1969—71 йй. уның мөдире.
Хеҙм.: Окисление и деструкция карбоцепных полимеров. М., 1990; Химическая кинетика. М., 2000 (авторҙ.); Models of Abstraction and Addition Reactions of Free Radicals in General Aspects of the Chemistry of Radicals. New York, 1999.
И.М.Борисов
Тәрж. Р.Ғ.Ғилманов