ҒӨБӘЙҘУЛЛИН Марсель Ғәлиулла улы

ҒӨБӘЙҘУЛЛИН Марсель Ғәлиулла улы (3.7.1948, БАССР‑ҙың Илеш районы Түбәнге Сереккүл а.), геофизик. Геология‑минералогия фәндәре докторы (2003), профессор (2009). РФ‑тың атҡаҙанған геологы (2011). Пермь университетын тамамлағандан һуң (1972) 1975 й. тиклем Ҡустанай геофизика экспедицияһында (Ҡаҙағстан), 1979 й. алып Бөтә Союз геология һәм нефть ҒТИ‑ның Кама бүлексәһендә (Пермь ҡ.) эшләй. 1980 й. башлап Архангельск ҡ.: Новодвинск геофизика экспедицияһының баш геофизигы, баш инженеры, начальнигы, 1993 й. – фәнни-техник үҙәктең баш инженеры, 1996 й. – “Архангельскгеолдобыча” ААЙ‑ның нефть ташыу идаралығы начальнигы урынбаҫары, 2000 й. – Төньяҡ геологик мәғлүмәт үҙәге директоры, 2003 й. алып М.В.Ломоносов исемендәге Төньяҡ (Арктик) федераль университетта нефть, газ һәм нефть промыслаһы ҡорамалдарын ташыу, һаҡлау кафедраһы мөдире; бер үк ваҡытта 2008 й. тиклем “Татнефть–Архангельск” ЯСЙ‑нда баш геолог. Фәнни-производство эшмәкәрлеге Рәсәйҙең Европа өлөшөнөң төньяғындағы нефть ятҡылыҡтарының геоэкологияһы, алмаслы кимберлит көпшәләрен эҙләүҙә геофизик ысулдарҙы эшләү һәм индереү проблемаларына арналған. Архангельск алмаслы провинцияһын (Европала берҙән-бер) асыуҙа ҡатнаша.

  Хеҙм.: Оценка и прогнозирование экологического состояния геологической среды при освоении севера Тимано-Печорской нефтегазоносной провинции. Архангельск, 2008 (авторҙ.); Система Белого моря. В 2 т. Т.1. Природная среда водосбора Белого моря. М., 2010 (авторҙ.); Методы защиты верхней части геологической среды на основе локального мониторинга при эксплуатации нефтяных месторождений Европейского Севера России. Архангельск, 2013 (авторҙ.). 

Тәрж. Э.М.Юлбарисов