ЙӘНЕКӘЕВ Дәрд Ғәли улы
ЙӘНЕКӘЕВ Дәрд Ғәли улы (21.3.1925, Бәләбәй ҡ. — 13.4.2016, Мәскәү ҡ.), психиатр. Медицина фәндәре докторы (1979), профессор (1980). Б.В. һуғышында ҡатнашыусы. Дворян Йәнекәевтәр нәҫеленән. БДМИ‑ны тамамлағандан һуң (1952) республиканың дауалау‑иҫкәртеү учреждениеларында эшләй, 1966 й. алып БДМИ‑ла уҡыта. 1973 й. башлап Ҡазан табиптарҙың белемен камиллаштырыу институтының психиатрия һәм психотерапия кафедраһы мөдире, 1996—2007 йй. Ҡазан медицина академияһында профессор-консультант. Фәнни тикшеренеүҙәре алкоголизмды, токсикоманияны, шизофренияны һ.б. дауалау ысулдарын эшләүгә арналған. Бөтә Союз невропатологтар һәм психиатрҙар йәмғиәтенең Ҡазан бүлексәһе рәйесе (1983—90). 2‑се дәрәжә Ватан һуғышы (1985), Ҡыҙыл Йондоҙ (1944) ордендары менән бүләкләнгән.
Хеҙм.: Победивший себя могуч. Казань, 1986 (авторҙ.).
Тәрж. Г.Ҡ.Ҡунафина