ВАСИЛЬЕВ Дмитрий Викторович

ВАСИЛЬЕВ Дмитрий Викторович (26.12.1979, Өфө ҡ.), спортсы. Трамплиндан саңғыла һикереү буйынса Рәсәйҙең халыҡ-ара класлы спорт мастеры (2001). Урал физик культура академияһын тамамлаған (2002). Трамплиндан саңғыла һикереү буйынса һәм саңғы буйынса икебәйге СДЮШОР‑ы тәрбиәләнеүсеһе (Өфө ҡ.; тренерҙары Р.Р.Абраров, А.М.Ҡурамшин). Күп тапҡыр Рәсәй чемпионы (2001—06, 2012, 2015, 2017), Рәсәй кубоктарын яулаусы (1998, 2001—02), Донъя кубоктары этаптарының көмөш (2001; 2 тапҡыр, 2009; 2012) һәм бронза (8 тапҡыр, 2007—09, 2012) призёры, Австрияла халыҡ-ара ярыштар еңеүсеһе (Инсбрук ҡ., 1999). Команда зачётында Бөтә донъя универсиадаһының бронза призёры (1999). Олимпия уйындарында ҡатнашыусы (2006, 2014). Рәсәй йыйылма командаһы ағзаһы (1998—2020). 

Тәрж. Г.Ҡ.Ҡунафина