ҒӘЙНУЛЛИН Венер Кәлимулла улы
ҒӘЙНУЛЛИН Венер Кәлимулла улы (5.1.1943, БАССР‑ҙың Бүздәк районы Арыҫлан а.), тренер. Грек-рим көрәше буйынса Рәсәйҙең атҡаҙанған тренеры (2001), халыҡ‑ара (1995) һәм бөтә Союз (1982) категориялы судья. БР-ҙың атҡаҙанған физик культура хеҙмәткәре (1994). П.Ф.Лесгафт исемендәге Ленинград физик культура институтын тамамлаған (1974). 1967 й. алып Октябрьский ҡ. физик культура һәм спорт буйынса комитет инструкторы, 1969 й. — “Хеҙмәт” ирекле спорт йәмғиәтенең Башҡортостан өлкә советы өлкән тренеры, 1986—2008 йй. БР йыйылма командаһының баш тренеры. Тәрбиәләнеүселәре араһында Р.Ф.Ғәйнанов, шулай уҡ 30-ҙан ашыу СССР һәм Рәсәй спорт мастеры. БР‑ҙың Грек‑рим көрәше федерацияһы президенты (1986—2003). 2010 й. алып Халыҡ-ара билбау көрәше федерацияһының генераль секретары, 2016 й. — спорт директоры. Хеҙмәт Ҡыҙыл Байраҡ (1986), Халыҡтар дуҫлығы (2013) ордендары менән бүләкләнгән.
Тәрж. Г.Ҡ.Ҡунафина