ҒӘНИЕВ Булат Тәлғәт улы

ҒӘНИЕВ Булат Тәлғәт улы (28.5.1949, ТАССР-ҙың Урыссу ҡсб), тел белгесе. Филология фәндәре докторы (2004), профессор (2013). БР-ҙың мәғариф отличнигы (2005), РФ-тың почётлы юғары профессиональ белем биреү хеҙмәткәре (2009). БДУ-ны тамамлаған (1972). 1980—2021 йй. БДПУ-ла эшләй: 1994—2004 йй. вузға тиклемге белем биреү факультеты деканы, 2004—12 йй. сит телдәр кафедраһы мөдире. Фәнни тикшеренеүҙәре дөйөм тел ғилеменең теоретик мәсьәләләренә: тел һәм телмәр ҡаршылыҡтарын һәм парадокстарын анализлауға (логик, семантик һәм прагматик аспекттарҙа) һәм һинд-европа телдәре (урыҫ, инглиз, грек, испан, фарси, санскрит һ.б.), семит телдәре (ғәрәп, иврит), төрки телдәр (башҡ., тат., төрөк һ.б.), фин-уғыр телдәре (венгр, фин), ҡытай һәм япон телдәре материалдарында лингвистик нуллификация проблемаларына арналған. “Салауат башҡорт фольклорында. Салават в башкирском фольклоре. Salawat in bashkir folklore” китабын һ.б. инглиз теленә тәржемә итә (2008). “Беҙҙең Таня” (2018), “СССР ҡыҙы” (2019) һ.б. иҫтәлек китаптарын төҙөүсе һәм авторҙашы.

Хеҙм.: Противоречия в языке и речи. Уфа, 2004; Русский парадокс. Уфа, 2012; Язык и ничто. Кн. 1. Уфа, 2018;

Р.З.Мерәҫов

Тәрж. Р.Ә.Сиражитдинов