ҒӘНИЕВ Фуат Әшрәф улы

ҒӘНИЕВ Фуат Әшрәф улы [1.8.1930, БАССР‑ҙың Мәсәғүт кантоны Нәсибаш а. (БР-ҙың Салауат районы) — 28.2.2016, Ҡазан ҡ.], тел белгесе. ТР ФА‑ның мөхбир ағзаһы (1992), филология фәндәре докторы (1978), профессор (1985). РФ‑тың (1996) һәм ТАССР-ҙың (1989) атҡаҙанған фән эшмәкәре. Ҡазан университетын тамамлағандан һуң (1954) Нәсибаш урта мәктәбе директоры. 1957 й. алып Ҡазанда эшләй: 1959 й. тиклем Татарстан китап нәшриәте мөхәррире; 1962 й. башлап ТР ФА Тел, әҙәбиәт һәм сәнғәт институтының ғилми хеҙмәткәре, 1988 й. — тел ғилеме, 1991 й. — лексикология һәм лексикография бүлеге мөдире, 2007 й. алып баш ғилми хеҙмәткәре. Фәнни эшмәкәрлеге татар теленең грамматик төҙөлөшөн, лексикологияһын һәм лексикографияһын өйрәнеүгә арналған. ТР‑ҙың фән һәм техника өлкәһендәге Дәүләт премияһы лауреаты (1994).

Хеҙм.: Способы действия глаголов в татарском языке. Казань, 2003; Современный татарский литературный язык: суффиксальное и фонетическое словообразование. Казань, 2005; Избранные статьи. Казань, 2010.

Тәрж. Р.Ә.Сиражетдинов