БАЙТИРӘКОВА Ләйлә Сафа ҡыҙы

БАЙТИРӘКОВА Ләйлә Сафа ҡыҙы (3.7.1924, Өфө ҡ. — 31.7.2006, Мәскәү ҡ.), офтальмолог. Медицина фәндәре докторы (1975). СССР‑ҙың һаулыҡ һаҡлау отличнигы (1980). Б.В. һуғышында ҡатнашыусы. БДМИ‑ны тамамлағандан һуң (1948) Башҡортостан трахоматоз ҒТИ‑нда, 1950—82 йй. Мәскәү өлкә клиник ҒТИ‑нда (1960 й. алып өлкән ғилми хеҙмәткәр) эшләй. 1982—2001 йй. Н.А.Семашко исемендәге балалар диагностикалау һәм дауалау үҙәге консультанты (Мәскәү ҡ.). Фәнни эшмәкәрлеге ҡан тамырҙары һәм эндокрин ауырыуҙар ваҡытында күреү ағзалары патологияһын өйрәнеүгә, балалар офтальмологияһы проблемаларына арналған. 

Хеҙм.: Сложные офтальмологические изменения и их диагностика. М., 1965 (авторҙ.).

Г.Ю.Мыздрикова

Тәрж. Г.Ҡ.Ҡунафина