Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ГОРУЛЁВ Павел Сергеевич

Просмотров: 1289

ГОРУЛЁВ Павел Сергеевич (13.12.1949, Ырымбур ҡ.), тренер. Педагогия фәндәре докторы (2007). Ауыр атлетика буйынса Рәсәйҙең атҡаҙанған тренеры (1993), СССР‑ҙың спорт мастеры (1972), халыҡ-ара категориялы судья (1995). БР‑ҙың атҡаҙанған физик культура хеҙмәткәре (1997). БР‑ҙың күренекле спортсыһы (1993). П.Ф.Лесгафт исемендәге Ленинград физик культура институтын тамамлаған (1980). Юғары спорт оҫталығы мәктәбе тәрбиәләнеүсеһе (тренеры В.Н.Самородов). Ырғымда СССР (1978), РСФСР (1977—78) чемпионы, СССР чемпионатының бронза призёры (1980). “Дружба” Кубогына халыҡ-ара ярыштар еңеүсеһе (1978). 1981 й. алып БР‑ҙың Юғары спорт оҫталығы мәктәбе тренеры, 1987—97 йй. өлкән тренеры, бер үк ваҡытта 1996—98 йй. Рәсәй йыйылма командаһының баш тренеры, 1999 й. башлап Башҡ. физик культура институты директоры, 2021 й. — директорҙың 1‑се урынбаҫары (Өфө ҡ.). Г. етәкселегендә БР йыйылма командаһы Рәсәй чемпионы була һәм Рәсәй Кубогын яулай (1993—94, 1996). Тәрбиәләнеүселәре араһында И.П.Алексеев, В.А.Богославский, А.Г.Скрипкин, шулай уҡ 10‑дан ашыу СССР һәм Рәсәй спорт мастеры. Фәнни тикшеренеүҙәре көс һәм тиҙлек-көс талап иткән спорт төрҙәрендә күнекмәләр барышы менән идара итеү, ауыр атлетикала ҡатын-ҡыҙҙарҙы спортҡа әҙерләү проблемаларына арналған. 60‑тан ашыу фәнни хеҙмәт авторы. БР‑ҙың Көс талап иткән спорт төрҙәре ассоциацияһы (1995 й. алып), БР‑ҙың Ауыр атлетика федерацияһы (2005 й. алып) президенты. Салауат Юлаев ордены менән бүләкләнгән (2021).

Тәрж. Г.Ҡ.Ҡунафина

 

 

Дата публикации: 10.10.2019
Дата последнего обновления публикации: 16.09.2022
Связанные темы рубрикатора: