ҒИРФАТУЛЛИН Урал Рәхмәтулла улы

ҒИРФАТУЛЛИН Урал Рәхмәтулла улы (27.7.1956, Өфө), театр һәм йәмәғәт эшмәкәре. БР‑ҙың (2006) һәм ТР‑ҙың (2001) атҡ. сәнғәт эшмәкәре. Театр эшмәкәрҙәре союзы ағзаһы (1984). ӨДСИ‑не тамамлағандан һуң (1979; П.Р.Мельниченко курсы) Респ. урыҫ драма театры актёры, 1987 й. алып постановка бүлеге мөдире, 1989 й. — Йәш тамашасы театрының художество-постановка бүлеге мөдире, 1991 й. — дир. урынбаҫары, 1993 й. — БДОБТ дир. урынбаҫары, 1994 й. — “Нур” Өфө татар театры дир., бер үк ваҡытта 2004—09 йй. ӨДСА‑ла уҡыта.

Ғ. етәкселек иткән осорҙа “Нур” театры бинаһы төҙөлә; театр өсөн Сәнғәт академияһында, Ҡазан мәҙәниәт һәм сәнғәт ун‑тында 4 махсус сығарылыш әҙерләнә.

Г.Х.Усманова

Тәрж. Г.Һ.Ризуанова