ҒҮМӘРОВ Илдар Ибраһим улы
ҒҮМӘРОВ Илдар Ибраһим улы (23.9.1958, БАССР‑ҙың Миәкә р‑ны Илсеғол а.), актёр. БР‑ҙың халыҡ (1999) һәм атҡ. (1992) артисы. Театр эшмәкәрҙәре союзы ағзаһы (1990). ӨДСИ‑не тамамлағандан һуң (1983; Р.В.Исрафилов курсы) Сибай башҡ. драма театры, 1986 й. алып БАДТ актёры. Лирик-драматик пландағы актёр. Ғ. сәнғәтенә психологик тәрәнлектең тышҡы баҫалҡылыҡ һәм тасуирлау сараларының ыҡсымлығы м‑н берләшеүе хас. Төп ролдәре: Башҡорт драма театрында — Автор (“Ай булмаһа, йондоҙ бар”, Т.Ғ.Миңнуллин; дебют, 1981), Зөлҡәрнәй (“Тиле йәшлек”, И.Ә.Абдуллин), ҡарт Баян Мансуров (“Яралы яҙмыш”, Н.Асанбаев), Нароков [А.Н.Островскийҙың “Таланттар һәм табыныусылар” (“Таланты и поклонники”) пьесаһы б‑са “Аҡ ҡанатлы хыялым”]; Сибай драма театрында — Миловзоров (“Ғәйепһеҙ ғәйеплеләр”, Островский), Надир (“Ҡара сәскәләр”, С.Джемаль). Муз. һәләте Шәрәф (“Аҫылйәр”, М.Фәйзи), Булат (“Зәңгәр шәл”, К.Ғ.Тинчурин), Хәлил (“Ғәлиәбаныу”) образдарында тулыһынса асыла. Т/ф ролдәре: Вәхитов (“Беҙ өсәү инек”, “Баштелефильм”, 1986), Әнүәр Закир улы (“Ай ҡыҙы”, “Башҡортостан” ДТРК, 2002).
Р.Г.Хоҙайғолова
Тәрж. Г.Һ.Ризуанова