ЙӘНЕКӘЕВ Ринат Радик улы
ЙӘНЕКӘЕВ Ринат Радик улы (17.11.1984, Октябрьский ҡ.), спортсы. Билбау көрәше буйынса Рәсәйҙең халыҡ‑ара класлы спорт мастеры (2007), Рәсәйҙең атҡаҙанған спорт мастеры (2009). БР‑ҙың күренекле спортсыһы (2007). Стәрлетамаҡ физик культура институтын тамамлаған (2008). 1‑се ДЮСШ тәрбиәләнеүсеһе (Октябрьский ҡ., тренеры Ф.Ф.Фәррәхов). Донъя (2005, 2007—08), Европа (2005, 2007) һәм Рәсәй (2005, 2008, 2010) чемпионы, Рәсәй Кубогын яулаусы (2005), Р.Ф.Ғәйнанов иҫтәлегенә халыҡ‑ара турнирҙа еңеүсе (Октябрьский ҡ., 2010–12). Рәсәй йыйылма командаһы ағзаһы (2005–12). 2012 й. алып 2‑се спорт мәктәбендә (Туймазы ҡ.) билбау көрәше буйынса тренер булып эшләй.
Тәрж. Г.Ҡ.Ҡунафина