ЕФИМОВ Александр Анатольевич
ЕФИМОВ Александр Анатольевич (21.10.1960, Ҡасим ҡ.), тренер. Пауэрлифтинг буйынса Рәсәйҙең атҡаҙанған тренеры (2000), халыҡ‑ара категориялы судья (2001). БР‑ҙың атҡаҙанған физик культура хеҙмәткәре (2004). ӨАИ‑ны (1983), Ҡурған юғары хәрби‑сәйәси авиация училищеһын (1988) тамамлаған. 1990 й. алып БР‑ҙың Спорт буйынса дәүләт комитеты эргәһендәге “Физкультура һәм сәләмәтлек” бәләкәй предприятиеһы директоры, 1995 й. — “Ирбис” спорт клубы президенты, 2006—18 йй. — БР‑ҙың Спорт сараларын ойоштороу һәм үткәреү идаралығы начальнигы. Тәрбиәләнеүселәре араһында И.Е.Абрамова, Н.А.Асабин, С.Я.Мор, Ф.З.Мөхәмәтйәнов, шулай уҡ 20‑нән ашыу Рәсәй спорт мастеры. 1990 й. алып БР‑ҙың Пауэрлифтинг федерацияһы президенты.
Тәрж. Г.Ҡ.Ҡунафина