Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ҒӘБДРӘХИМОВ Ғәбдессәләм

Просмотров: 696

ҒӘБДРӘХИМОВ Ғәбдессәләм (1765— 31.1.1840, Өфө), дин әһеле, Ырымбур мосолман диниә назараты мөфтөйө (1825—40). Ахун (1805). Тархан (1817). Ҡазанда мәҙрәсә һәм Ҡарғалы мәҙрәсәләренең береһен тамамлаған. 1799 й. алып Ырымбур ҡала муллаһы, 1805 й — 1‑се йәмиғ мәсете (ҡара: Ырымбур тарихи йәмиғ мәсеттәре) имам‑хатибы. Ғәрәп, фарсы, төрөк телдәрен белгән. 18 б. аҙағынан Ҡаҙағстанда һәм Урта Азияла генерал‑губернаторҙың дипломатик йомоштарын башҡара (ҡара: Ырымбур сик буйы комиссияһы). 1823— 24 йй. “урҙа эштәрен” хәл итеү комиссияһы ағзаһы. Өфөлә Беренсе йәмиғ мәсетен, ваҡыф йортон, Ырымбур мосолман диниә назараты бинаһын төҙөү инициаторы. 1833 й. медицинаның файҙаһы т‑да фәтүә м‑н сығыш яһай, башҡорттарҙы һәм типтәрҙәрҙе медицина белеме алыу өсөн Ҡазан ун‑тына ебәреүгә булышлыҡ итә.

Д.Д.Азаматов

Тәрж. Ә.Н.Аҡбутина

Дата публикации: 10.10.2019
Дата последнего обновления публикации: 04.11.2019
Связанные темы рубрикатора: