Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ВАГИН Георгий Дмитриевич

Просмотров: 539

ВАГИН Георгий Дмитриевич (11.2.1908, Өфө — 1982, шунда уҡ), архитектор. Архитекторҙар союзы ағзаһы (1935). Ленинград юғары художество-техник ин‑тын тамамлаған (1929). 1930 й. алып Өфөнөң төҙөлөш һәм проект ойошмаларында эшләй. 1933 й. башлап БАССР‑ҙың Еңел сәнәғәт ХК архитекторы, 1935—60 йй. “Башпроект” ин‑тының проекттар архитекторы, баш архитекторы, бер үк ваҡытта 1937—39 йй. Өфө коммуналь-төҙөлөш техникумында уҡыта. В. проекттары б‑са Өфөлә Йорт-коммуна (1930‑сы йй.), Белгестәр йорто (1937; авторҙаш), БАССР‑ҙың Еңел сәнәғәт ХК бинаһы (1938; хәҙ. БДПУ‑ның төп корпусы; авторҙаш), “Большевик” стадионы (1947; ҡара: “Хеҙмәт”), ш. уҡ Өфө, Стәрлетамаҡ, Ишембай, Белорет ҡҡ. торлаҡ йорттар (ш. иҫ. Өфө паровоздар ремонтлау з‑ды эшселәренең торлаҡ йорто, 1948; авторҙаш) төҙөлгән. СССР Архитекторҙар союзының Башҡ‑н бүлексәһен ойоштороусыларҙың береһе.

Ф.Б.Кәлимуллин

Тәрж. Г.Һ.Ризуанова

Дата публикации: 10.10.2019
Дата последнего обновления публикации: 17.10.2019