ДӘҮЛӘТШИН Вәкил Вәғиз улы

ДӘҮЛӘТШИН Вәкил Вәғиз улы [10.3.1949, БАССР‑ҙың Покровка р‑ны Арҡауыл а. (БР‑ҙың Благовещен р‑ны)], архитектор. РФ‑тың почётлы архитекторы (2002). Архитекторҙар союзы ағзаһы (1997). Мәскәү архитектура ин‑тын тамамлағандан һуң (1973) “Башкиргражданпроект” ин‑ты (Өфө) архитекторы; 1976 й. алып Түб. Варта ҡ. эшләй. 1988 й. башлап Өфөлә: “Альтернатива” Бөтә Союз ҒПБ, 1989 й. — “Коду” проект-производство берекмәһе архитекторы, 1993 й. — “Уфагорпроект” пр‑тиеһының баш архитекторы, 2001 й. — «Экопроект “Вакар”» ЯСЙ директоры. 18 ҡатлы монолит торлаҡ йорттар (90‑сы йй.), “Ләлә-Тюльпан” мәсете (1998) һәм Сипайлов микрорайонындағы “Простор” сауҙа-күңел асыу комплексы (2004; бөтәһе лә — Өфө) проекттарының авторы. “Янғантау” шифаханаһын үҙгәртеп ҡороу планын эшләүҙә ҡатнаша (1989, авторҙашлыҡта). Кузнецов Затоны районын планлаштырыу проектының авторы (1990). БР‑ҙың Салауат Юлаев ис. Дәүләт пр. лауреаты (1998).

Ф.Б.Кәлимуллин

Тәрж. Г.Һ.Ризуанова