ҠУЖӘХМӘТОВ Григорий Ғилмийәр улы

ҠУЖӘХМӘТОВ Григорий Ғилмийәр улы (14.10.1939, БАССР‑ҙың Ҡалтасы районы Көркәк а. — 16.5.2015, Өфө ҡ.), ботаник. Биология фәндәре докторы (2000), профессор (2001). БР‑ҙың атҡаҙанған халыҡ мәғарифы хеҙмәткәре (2001). БДУ‑ны тамамлаған (1966). 1959—68 йй. Ҡалтасы районы Оло Ҡасаҡ һигеҙ йыллыҡ мәктәбендә эшләй; 1972 й. БАХИ‑ла өлкән ғилми хеҙмәткәр. 1973—2012 йй. БДУ‑ла: уҡытыусы, 1986—88 йй. өлкән ғилми хеҙмәткәр, 2002—08 йй. экология кафедраһы мөдире. Фәнни хеҙмәттәре тупраҡ альгологияһына арналған. Ҡ. тарафынан тупраҡ ылымыҡтарын өйрәнеүҙә анализдың статик ысулдарын ҡулланып экологик-ценотик йүнәлеш уйлап табылған.

    Хеҙм.: Краткий определитель водорослей Башкортостана. Уфа, 1995 (авторҙ.); Методы изучения почвенных водорослей. Уфа, 2001 (авторҙ.); Водоросли зональных почв степи и лесостепи. Уфа, 2006.

С.С.Хәйретдинов

Тәрж. Г.А.Миһранова