ЗУБКОВ Юрий Владимирович
ЗУБКОВ Юрий Владимирович (17.7.1963, Стәрлетамаҡ ҡ.), тренер. Дзюдо буйынса Рәсәйҙең атҡаҙанған тренеры (2006), бөтә Рәсәй категориялы судья (2017), самбо (1982) һәм дзюдо (1988) буйынса СССР‑ҙың спорт мастеры. БР‑ҙың атҡаҙанған физик культура хеҙмәткәре (2014), РФ‑тың физик культура һәм спорт отличнигы (1998). Урал физик культура академияһын тамамлаған (2000). “Хеҙмәт” ирекле спорт йәмғиәте тәрбиәләнеүсеһе (Стәрлетамаҡ ҡ.; тренеры Е.В.Гудков). Дзюдо буйынса “Балтика кубогы” бөтә Союз турниры еңеүсеһе (1988). Үҫмер спортсылар араһында самбо буйынса СССР беренселегенең бронза призёры (1982). 1984 й. алып 18‑се СПТУ‑ның дзюдо буйынса тренер‑уҡытыусыһы, 1986 й. алып Стәрлетамаҡ нефтехимия заводының спорт клубы һәм БР профсоюздары спорт йәмғиәте СДЮСШОР‑ы тренеры, 1993 й. — олимпия резервы спорт мәктәбенең дзюдо буйынса тренеры (бөтәһе лә — Стәрлетамаҡ ҡ.). Тәрбиәләнеүселәре араһында Рәсәйҙең атҡаҙанған спорт мастеры Р.Г.Ҡадиров, С.Р.Зарипова, Р.Ғ.Шәһәрова, шулай уҡ 25‑тән ашыу Рәсәй спорт мастеры.
Тәрж. Г.Ҡ.Ҡунафина