ИЛЬИН Виктор Иванович

ИЛЬИН Виктор Иванович (29.6.1962, Бөрө ҡ.), спортсы. Уҡ атыу б‑са Рәсәйҙең халыҡ‑ара класлы спорт мастеры (1996). БР‑ҙың мәғариф отличнигы (2006). Бөрө пед. ин‑тын тамамлаған (1990). “Буревестник” ДСО‑һы, Бөрө профсоюздары физкультура-спорт йәмғиәте ДЮСШ тәрбиәләнеүсеһе (тренерҙары В.А.Красильников, Г.Б.Макаров, Г.А.Ширяева). Шәхси зачётта СССР һәм РСФСР чемп. (1982), РСФСР чемпионаттарының көмөш (1986, 1988) һәм бронза (1981) призёры; команда зачётында СССР чемпионатының көмөш призёры (1988). Бөтә Рәсәй йәштәр уйындары еңеүсеһе (1981). СССР йыйылма командаһы ағзаһы (1983—86). 1988 й. алып һәм 2007 й. алып уҡ атыу б‑са СДЮШОР‑ҙың уҡытыусы-тренеры, 1992—2007 йй. 1‑се һәм 9‑сы урта мәктәптәрҙә (бөтәһе лә — Бөрө ҡ.) эшләй.

Тәрж. Г.Ҡ.Ҡунафина