ИЛЬЯСОВА Лидия Михайловна

ИЛЬЯСОВА Лидия Михайловна (24.11.1935, Харьков ҡ. — 1.9.2017, шунда уҡ), спортсы. Урыҫ шашкаһы буйынса СССР‑ҙың спорт мастеры (1970). БР‑ҙың күренекле спортсыһы (1996). Харьков политехник институтын тамамлаған (1958). “Зенит” ДСО‑һы (Өфө ҡ.) тәрбиәләнеүсеһе. Шәхси зачётта СССР (1971) һәм РСФСР (1989) кубоктарын яулаусы, РСФСР (1959, 1961, 1971—72) һәм СССР Ҡораллы көстәре (1980) чемпионы, РСФСР чемпионаттарының көмөш (1974—76) һәм бронза (1963) призёры. Команда зачётында СССР кубоктарының көмөш (1972) һәм бронза (1974) призёры.

Тәрж. Г.Ҡ.Ҡунафина