ҠАНСУРИН Хәбибулла Баймырҙа улы

ҠАНСУРИН Хәбибулла Баймырҙа улы (1808—?), кантон башлығы, сотник (1857). Верхнеурал өйәҙе Бөрйән улусы Баймырҙа а. (БР‑ҙың Баймаҡ р‑ны) башҡорто. Хиуа походында (1839—40), Силәбе өйәҙендә 1843 й. дәүләт крәҫтиәндәре ихтилалын баҫтырыуҙа ҡатнаша. 1833 й. алып йорт старшинаһы, 1842 й. — 7‑се башҡ. кантоны идарасыһы ярҙамсыһы, 1854 й. — 7‑се башҡ. кантонының 1‑се бүлексәһе, 1856 й. — 4‑се башҡ. кантоны, 1860—63 йй. 5‑се башҡ. кантоны башлығы. Артабанғы яҙмышы билдәһеҙ.

Әҙәб.: Тагирова Л.Ф. Кантонные начальники Башкирии: национальная и региональная элита первой половины XIX века. Уфа, 2011. 

Л.Ф.Таһирова

Тәрж. М.Х.Хужин