КАНАПАЦКИЙ Александр Яковлевич
КАНАПАЦКИЙ Александр Яковлевич (1.5.1955, Белорус ССР‑ының Смиловичи а.), философ. Философия фәндәре докторы (2004), профессор (2004). Минск педагогия институтын тамамлағандан һуң (1979) Мозырь педагогия институтында (Белорус ССР‑ы) уҡыта, 1987 й. алып башланғыс белем биреү педагогикаһы кафедраһы мөдире, 1989 й. — проректор. 1992 й. башлап БДУ‑ның Сибай институтында педагогия һәм психология кафедраһы мөдире, 1998 й. — музыка кафедраһы, 2006 й. — психология кафедраһы мөдире. 2009 й. алып Психология институтында (Мәскәү ҡ.) эшләй, һуңынан Мәскәү дәүләт һәм муниципаль идара итеү институтында ректор вазифаһын башҡарыусы, 2015—16 йй. президент. Фәнни тикшеренеүҙәре онтологик хәҡиҡәт һәм рухиәт аксиологияһы проблемаларына арналған.
Х е ҙ м.: Мир истинной духовности и система образования. Уфа, 2002; Онтологическая истинность духовности: феномен и сущность. Уфа, 2003; Теоретические аспекты исследования феномена человеческой духовности. Уфа, 2008 (авторҙ.).
Тәрж. Ә.Н.Аҡбутина