ИШМӨХӘМӘТ, Баймаҡ р‑нындағы ауыл

ИШМӨХӘМӘТ, Ҡарамалы, Баймаҡ р‑нындағы ауыл, Ишмөхәмәт а/с үҙәге. Район үҙәгенән К.‑Көнс. 31 км һәм Сибай т. юл ст. К.‑Көнб. табан 56 км алыҫлыҡта Ҡарамалы й. (Оло Уртаҙым й. ҡушылдығы) буйында урынлашҡан. Халҡы: 1900 й. — 393 кеше; 1920 — 547; 1939 — 282; 1959 — 276; 1989 — 528; 2002 — 562; 2010 — 526 кеше. Башҡорттар йәшәй (2002). Урта мәктәп, фельдшер- акушерлыҡ пункты, мәҙәниәт йорто, китапхана, мәсет бар.

Ауылға 1833 й. Верхнеурал өйәҙе Бөрйән улусы Исмаҡай а. башҡорттары үҙ ерҙәрендә нигеҙ һала. Тәүге төпләнеүсе Ишмөхәмәт Бикчәнтәев исеме м‑н аталған. 1866 й. И. (Ҡарамалы) исеме м‑н теркәлгән, 55 йортта 321 кеше йәшәгән. Малс‑ҡ, игенселек м‑н шөғөлләнгәндәр. М.Ғ.Усманова ошо ауылда тыуған.

Ә.З.Сәйғәфәров

Тәрж. Р.Ғ.Ғилманов