КИҘӘШ, Учалы р‑нындағы ауыл

КИҘӘШ, Ҡыйҙыш, Учалы р‑нындағы ауыл, Ахун а/с ҡарай. Район үҙәгенән һәм Учалы т. юл ст. К.-Көнс. табан 32 км алыҫлыҡта Киҙәш й. (Уй й. ҡушылдығы) буйында урынлашҡан. Халҡы: 1959 й. — 114 кеше; 1989 — 114; 2002 — 149; 2010 — 119 кеше. Татарҙар, башҡорттар йәшәй (2002). Клуб бар.

Ауылға 20 б. 30‑сы йй. “Ҡыҙыл партизан” к‑зы ойошторолғандан һуң, фаразланыуынса, элекке Әшир утары урынында колхоздың Ферма ҡасабаһы булараҡ нигеҙ һалына. 50‑се йй. хәҙ. исемен һәм статусын йөрөтә.

Тәрж. Р.Ғ.Ғилманов