“КАРМАСКАЛИНСКАЯ НОВЬ”, гәзит
“КАРМАСКАЛИНСКАЯ НОВЬ” (“Ҡырмыҫҡалы яңылығы”), ижт.-сәйәси гәзит. Ойоштороусылары — БР‑ҙың Матбуғат һәм киң мәғлүмәт саралары агентлығы, БР‑ҙың «“Хеҙмәт даны” гәзите редакцияһы» ҡаҙна пр‑тиеһы. Ҡырмыҫҡалы р‑нының Ҡырмыҫҡалы а. аҙнаһына 3 тапҡыр урыҫ һәм татар (“Үзән”) телдәрендә сыға. 1930 й. мартынан “Ҡырмыҫҡалы колхозсыһы” исеме м‑н башҡ. һәм “Колхозник” (“Колхозсы”) исеме м‑н урыҫ телдәрендә нәшер ителә; 1932 й. — татар телендә “Колхоз юлы” (1959 й. тиклем), 1945 й. элекке исеме м‑н урыҫ телендә яңынан нәшер ителә башлай (1953 й. алып “Колхозный путь”); 1960 й. — “Трудовая слава” (“Хеҙмәт даны”) исеме м‑н урыҫ һәм татар телдәрендә, 1994 й. — “Хеҙмәт даны” исеме м‑н башҡ. телендә лә сыға; 2006 й. — башҡ. телендә “Даирә” (2007 й. — үҙ аллы гәзит) исеме м‑н нәшер ителә, хәҙ. исеме м‑н урыҫ һәм татар телдәрендә (2007 й. алып) сыға. 1962—63 йй. нәшер ителмәй.
Тәрж. М.Ә.Ҡотлоғәлләмов