Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЕГӘН, йылға

Просмотров: 476

ЕГӘН, Егәнйылға, йылға, Ағиҙел й. уң ҡушылдығы. Ишембай р‑ны Ҡолғона а. көньяҡ-көнбайышҡа табан 6 км алыҫлыҡта Алатау һыртының көнбайыш битләүендә башлана. Ишембай һәм Ғафури р‑ндары терр‑яһы буйлап көньяҡ-көнсығыштан төньяҡ-көнбайышҡа табан аға һәм Ағиҙел й. (тамағынан 693 км алыҫлыҡта) ҡоя. Оҙонлоғо 98 км, басс. майҙаны 1550 км2. Башлыса ҡар һыуы м‑н туйына. Ғафури р‑ны Яңғыҙҡайын а. эргәһендә уртаса йыллыҡ һыу сығымы 13,9 м3/с тәшкил итә. Басс. рельефы тәпәш таулы, терр‑яһы карслы. Йылға басс. үрге өлөшө Бағаръяҙ, Биктәр һәм Баш Алатау һырттары сиктәрендә урынлашҡан. Ландшафы һоро урман тупрағындағы киң япраҡлы урмандан тора. Басс. яҡынса 25%‑ы һөрөлгән. Ҡушылдыҡтары: уң — Һикәҙе, Рәүҙәк, Ҡарлыман һ.б.; һул — Береш, Шиҙе, Шыға, Ҡыяуыҡ һ.б.

В.А.Загорский

Тәрж. И.М.Япаров

Дата публикации: 10.10.2019
Дата последнего обновления публикации: 18.10.2019