ИҘӘК, йылға
1237
ИҘӘК, Эҙәк, Оло Иҙәк, йылға, Ҡариҙел й. уң ҡушылдығы. Благовещен р‑ны Александровка а. төньяҡ-көнбайышҡа табан 4 км алыҫлыҡта башлана. Шул уҡ район буйлап төньяҡтан көньяҡ-көнсығышҡа табан аға һәм Ҡариҙел й. (тамағынан 71 км алыҫлыҡта) ҡоя. Оҙонлоғо 72 км, басс. майҙаны 706 км2. Ҡатнаш, башлыса ер аҫты һыуҙары м‑н туйына. Бассейн рельефы ҡоро үҙәндәр м‑н сыбарланған убаларҙан тора, карст үҫешкән. Ландшафтары һоро урман тупрағында үҫкән киң япраҡлы урмандарҙан тора. Бассейнының 35%‑ын урман ҡаплаған. Ҡушылдыҡтары: уң — Огрязь, Кесе Огрязь һ.б., һул — Кесе Иҙәк һ.б.
В.А.Загорский
Тәрж. И.М.Япаров
Дата публикации: 10.10.2019
Дата последнего обновления публикации: 17.10.2019
Энциклопедиялар: