КОЛОБНЕВ Александр Васильевич

КОЛОБНЕВ Александр Васильевич (4.5.1981, Выкса ҡ.), спортсы. Велосипед спорты буйынса Рәсәйҙең халыҡ‑ара класлы спорт мастеры (1999), Рәсәйҙең атҡаҙанған спорт мастеры (2012). 1998—2009 йй. “Ағиҙел” олимпия әҙерлеге үҙәге өсөн сығыш яһай (тренеры Р.Н.Латипов). Олимпия уйындарының бронза призёры (2008), Рәсәй чемпионы (2004, 2010), төркөм уҙышында донъя чемпионаттарының көмөш призёры (2007, 2009), Италия (2003, 2007), Испания (2006), Франция һәм Германияла (икеһе лә — 2007) үткән халыҡ‑ара уҙыштар еңеүсеһе. Үҫмер спортсылар араһында Донъя кубогы этабы еңеүсеһе (1999). Олимпия уйындарында ҡатнашыусы (2004, 2012). Рәсәйҙең йыйылма командаһы ағзаһы (1999—2015). 2‑се дәрәжә “Ватан алдында күрһәткән хеҙмәттәре өсөн” орденының миҙалы менән бүләкләнгән (2011).

Тәрж.М.Н.Моратшина