КИРӘЕВА Миңзада Мирғәле ҡыҙы

КИРӘЕВА Миңзада Мирғәле ҡыҙы (28.10.1948, Стәрлетамаҡ ҡ.), актриса. РФ‑тың атҡ. (1999), БАССР‑ҙың халыҡ (1991) һәм атҡ. (1977) артисы. Театр эшмәкәрҙәре союзы ағзаһы (1983 й. алып). Ҡазан театр уч‑щеһын тамамлаған (1971; В.Г.Остропольский курсы). 1979 й. алып Стәрлетамаҡ урыҫ драма театры актрисаһы. Ижады тәрән тойғоларға бай булыуы, аныҡлыҡ һәм экспрессивлыҡ, образды тәбиғи итеп уйнауы м‑н айырылып тора: Людмила (“Һуңлап килгән мөхәббәт” — “Поздняя любовь”, А.Н.Островский), Маша (“Аҡсарлаҡ” — “Чайка”, А.П.Чехов), Оло инәй (“Оҙон-оҙаҡ баласаҡ” повесы б‑са “Ике хат” — “Два письма” әҫәре), Тәңкәбикә (“Ай тотолған төндә” — “В ночь лунного затмения”; икеһе лә — М.Кәрим), Валентина (“Валентин һәм Валентина” — “Валентин и Валентина”, М.М.Рощин) һ.б. Репертуарында көнбайыш, ш. иҫ. абсурд драмаһының, ҡатмарлы, ҡапма‑ҡаршылыҡлы образдары бар: миссис Пирс (“Пигмалион”, Б.Шоу), Эбби (“Ҡарама төбөндәге мөхәббәт” — “Любовь под вязами”, Ю.О‘Нил), Агнесса (“Һабан турғайы” — “Жаворонок”, Ж.Ануй), леди Торренс (“Орфей тамуҡҡа төшә” — “Орфей спускается в ад”, Т.Уильямс). Респ. башҡ. драматургияһы театр фестивале дипломанты (Стәрлетамаҡ, 2010).

Һ.С.Сәйетов

Тәрж. Г.Һ.Ризуанова

Илл.: М.М.Кирәева Рукояткина ролендә (“Һорау алыу” — “Допрос”, С.Родионов)