ИСМӘҒИЛ ТАСИМОВ
ИСМӘҒИЛ ТАСИМОВ, мәғдән сәнәғәтсеһе (ҡара: Мәғдән белгестәре һәм мәғдән эҙләүселәр). Уҫы даруғаһы Ғәйнә улусы Ҡуян а. башҡорттарынан. Шул уҡ улустың старшинаһы. Атаһы Тасим Мәмәтов һәм ағаһы Мөхәмәтрәхим Тасимов менән бергә баҡыр мәғдәне ятҡылыҡтарын эҙләү һәм эшкәртеү, Ялан заводын, Йоҡ заводын, Ягошиха, Мотовилиха заводтарын һ.б. баҡыр мәғдәне менән тәьмин итеү менән шөғөлләнә. Башҡортостанда тау эшен үҫтереү һәм Рәсәйҙә тәүге юғары техник мәктәп — Санкт‑Петербург ҡ. Тау училищеһын (хәҙер Санкт‑Петербург тау университеты) асыу инициаторы. 1771—89 йй. Тасимовтар училищены тәьмин итеү өсөн 7 мең һумдан ашыу аҡса түләй. И.Т. исеме Аҡъяр тау колледжына бирелгән; Санкт‑Петербург тау университеты бинаһына уға мемориаль таҡтаташ ҡуйылған. 2006 й. алып Өфө ҡ. Тасимов уҡыуҙары үтә.
Әҙәб.: Башкирские рудопромышленники Тасимовы /А.З.Асфандияров [и др.]. Уфа, 2011.
М.Ғ.Моталов
Тәрж. Э.М.Юлбарисов