ҠАЙМИРАСОВА Таңһылыу Ғимал ҡыҙы

ҠАЙМИРАСОВА Таңһылыу Ғимал ҡыҙы [4.11.1923, БАССР‑ҙың Мәсәғүт кантоны Арҡауыл а. (БР‑ҙың Салауат районы) — 27.5.2016, Алма‑Ата ҡ., Ҡаҙағстан], тау инженеры‑геолог. Геология‑минералогия фәндәре кандидаты (1972). Ҡаҙағстан тау‑металлургия институтын тамамлаған (1958). 1943 й. алып Ҡаҙағстан геофизика тресында эшләй: магниторазведка отряды начальнигы, 1949 й. башлап геофизика партияһы начальнигы, 1958 й. — Атасу геофизика экспедицияһы геологы; 1960—88 йй. Ҡаҙаҡ ССР‑ы ФА‑ның К.И.Сатпаев исемендәге Геология фәндәре институтында (1975 й. алып өлкән ғилми хеҙмәткәр; Алма‑Ата ҡ.). Фәнни‑производство эшмәкәрлеге Үҙәк Ҡаҙағстандың тимер‑марганец һәм ҡурғаш‑цинк мәғдәнле райондарын эҙләү һәм разведкалауға, металлогенияның Ер ҡабығы һәм өҫкө мантияның составы һәм тәрәндәге төҙөлөшө менән бәйләнешен өйрәнеүгә бәйле. СССР‑ҙың Дәүләт премияһы лауреаты (1977).

Тәрж. Х.А.Шәрипова