КИРИЛЛОВ, Өфө р‑нындағы ауыл
КИРИЛЛОВ, Өфө р‑нындағы ауыл, Кириллов а/с үҙәге. Район үҙәгенән Көнс. табан 45 км алыҫлыҡта, Тыуыш т. юл разъезы эргәһендә Тыуыш й. (Өфө й. ҡушылдығы) буйында урынлашҡан. Халҡы: 1906 й. — 303 кеше; 1920 — 429; 1939 — 463; 1959 — 298; 1989 — 423; 2002 — 681; 2010 — 773 кеше. Урыҫтар йәшәй (2002). Төп мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана бар.
Ауылға Өфө өйәҙендә дәүләт крәҫтиәндәре нигеҙ һала, 1786 й. (башҡа мәғлүмәттәр б‑са, 1761 й.) алып билдәле. 1865 й. 48 йортта 219 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. Һыу тирмәне булған. 1906 й. 2 бакалея кибете, мөгәзәй теркәлгән, алпауыт Базилевскийҙың усадьбаһы (унда иген киптергес булған) күрһәтелгән.
Д.Ғ.Күскилдин
Тәрж. Р.Ғ.Ғилманов