ҠУРҒАШ, Архангел р‑нындағы ауыл

ҠУРҒАШ, Архангел р‑нындағы ауыл, Баҡалды а/с ҡарай. Район үҙәгенән Көнс. 16 км һәм Приуралье т. юл ст. К.‑Көнс. табан 22 км алыҫлыҡта Оло Ҡурғаш й. (Инйәр й. басс.) буйында, Өфө—Инйәр—Белорет автомобиль юлында урынлашҡан. Халҡы: 1920 й. — 23 кеше; 1939 — 22; 1959 — 229; 1989 — 152; 2002 — 127; 2010 — 113 кеше. Башҡорттар йәшәй (2002). Башланғыс мәктәп (Баҡалды урта мәктәбе филиалы), фельдшер-акушерлыҡ пункты, клуб бар.

Ауылға 20 б. башында Стәрлетамаҡ өйәҙендә нигеҙ һалына. 1920 й. Ҡурғаш утарҙары булараҡ теркәлгән. 50‑се йй. башынан хәҙ. исемен һәм статусын йөрөтә.

Тәрж. Р.Ғ.Ғилманов