ҠУРҒАШЛЫ, Бөрйән р‑нындағы ауыл

ҠУРҒАШЛЫ, Бөрйән р‑нындағы ауыл, Байназар а/с ҡарай. Район үҙәгенән Т.‑Көнс. 26 км һәм Белорет т. юл ст. К.‑Көнб. табан 120 км алыҫлыҡта Ағиҙел й. буйында урынлашҡан. Халҡы: 1959 й. — 136 кеше; 1989 — 316; 2002 — 341; 2010 — 307 кеше. Башҡорттар йәшәй (2002). Башланғыс мәктәп‑балалар баҡсаһы, фельдшер‑акушерлыҡ пункты, мәҙәниәт йорто бар.

Ауылға 20 б. 50‑се йй. Бөрйән МТС‑ы ойошторолғандан һуң элекке Ҡ. утары урынында нигеҙ һалына (1939 й. 13 кеше иҫәпкә алынған).

Тәрж. Р.Ғ.Ғилманов