Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЕГӘҘЕ ЗАВОДЫ

Просмотров: 1400

ЕГӘҘЕ ЗАВОДЫ, 1888 й. Верхнеурал өйәҙе Ҡатай улусы башҡорттарынан ҡуртымға алынған ерҙәрҙә Егәҙе й. (Ағиҙел й. басс.) буйында сауҙагәрҙәр Н.С.Кальсин һәм Н.Д.Шамов тарафынан суйын иретеү заводы булараҡ нигеҙ һалына. Хужалары: Кальсин һәм Шамов, 1909 й. (башҡа мәғлүмәттәр б‑са, 1908 й.) алып М.В.Асеев; 1917 й. һуң национализациялана. Егәҙе тау округына ингән. 1890 й. эшләй башлай. Домна мейесе, 5 пар ҡаҙаны һәм һауа йылытҡысы; 20 б. башына ҡарата 3 пар машинаһы, 2 һыу тәгәрмәсе, 64 күмер яндырыу мейесе була. Заводтың 3 ҙур руднигы, ш. иҫ. Егәҙе-Комаров тимер мәғдәне ятҡылыҡтары һәм 15 мең дисәтинә ере, була. Төп эштәрҙә — 75, ярҙамсы эштәрҙә 700 эшсе (ҡара: Эшселәр синыфы) иҫәпләнә; 1895 й. — 120 һәм 700. Эшләү дәүерендә заводта 9,4 млн боттан ашыу суйын иретелә; макс. етештереүсәнлек — 711 мең бот (1898). 1925 й. ябыла. Хәҙ. завод торамаһы урынында Белорет р‑нының Егәҙе а. урынлашҡан.

Әҙәб.: Павленко Н.И. История металлургии в России XVIII века. Заводы и заводовладельцы. М., 1962; Буранов Ю.А. Акционирование горнозаводской промышленности Урала (1861―1917). М., 1982.

З.И.Гудкова

Тәрж. Ә.Н.Аҡбутина

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: