ҠАРЛЫМАН МӘМЕРЙӘҺЕ

ҠАРЛЫМАН МӘМЕРЙӘҺЕ, тәбиғәт ҡомартҡыһы (1965). Ҡырмыҫҡалы р‑ны Ҡарлыман а. көньяҡ‑көнсығышҡа табан 3 км алыҫлыҡта Сағыл й. (Ҡарлыман й. ҡушылдығы) үҙәненең уң битләүендә урынлашҡан. Карст мәмерйәһе, көңгөр ярусы гипстарында барлыҡҡа килгән. Көньяҡ‑көнсығыш йүнәлешле горизонталь коридорҙан ғибәрәт. Оҙонлоғо 269 м, киңлеге 4,3 м, бейеклеге 2,1 м, амплитудаһы 6 м, майҙаны 1153 м², күләме 1970 м³. Бер‑береһенән 10 м аралыҡта ятҡан 2 ауыҙы (береһе емерелгән) бар. Стеналарында һәм түбәһендә ашалған улаҡтар һәм ҡыуышлыҡтар осрай. Иҙәне балсыҡ м‑н ҡапланған. Т‑раһы 7^оС.

Ю.В.Соколов

Тәрж. И.М.Япаров