КРЕЦУЛ Олег Васильевич

КРЕЦУЛ Олег Васильевич (21.2.1975, Кишинёв ҡ.), спортсы. Дзюдо буйынса Рәсәйҙең халыҡ‑ара класлы спорт мастеры (2001), Рәсәйҙең атҡаҙанған спорт мастеры (2003). 2001—09 йй. Юғары спорт оҫталығы мәктәбе өсөн сығыш яһай (тренерҙары В.П.Глигор, В.А.Пегов). Күреү буйынса инвалидтар араһында Паралимпия уйындары чемпионы (2008) һәм көмөш призёры (2004), донъя чемпионы (2002—03, 2007, 2010), Донъя кубогын яулаусы (2001), Европа (2001, 2005, 2009) һәм Рәсәй (2001—06, 2015) чемпионы, донъя (2006) һәм Европа (2007, 2011) чемпионаттарының көмөш призёры. Рәсәй йыйылма командаһы ағзаһы (2001—17). Рәсәй (2012) һәм Молдавия (2020) йыйылма командалары составында Паралимпия уйындарында ҡатнашыусы. Дуҫлыҡ (2009), 2‑се дәрәжә “Ватан алдында күрһәткән хеҙмәттәре өсөн” орденының миҙалы (2006), Халыҡтар дуҫлығы (2008) һәм Салауат Юлаев (2004) ордендары менән бүләкләнгән.

Тәрж. Г.Ҡ.Ҡунафина