МӘМӘТОВ Әнүәр Фәризун улы
МӘМӘТОВ Әнүәр Фәризун улы (14.7.1937, Өфө ҡ. — 15.7.2012, шунда уҡ), орнитолог. Биология фәндәре докторы (2007). РФ‑тың почётлы юғары профессиональ белем биреү хеҙмәткәре (2009), БР‑ҙың мәғариф отличнигы (2006). БДУ‑ны тамамлағандан һуң (1964) Сибай педагогия училищеһында, 1970 й. алып БДУ‑ла уҡыта. Фәнни тикшеренеүҙәре ҡоштарҙың биологик төрлөлөгөнә һәм экологияһына, Башҡортостан (Көньяҡ) Уралының һыуҙа йөҙөүсе һунар ҡоштарының ресурстарына арналған. М. тарафынан БР һәм РФ орнитофаунаһының һирәк осраған төрҙәрен һаҡлау буйынса тәҡдимдәр эшләнгән, улар БР‑ҙың Ҡыҙыл китабын төҙөгәндә ҡулланылған (2004).
Х е ҙ м.: Водоплавающие птицы Южного Урала. Уфа, 1995; Водоплавающая дичь Башкортостана. Уфа, 2003; Водоплавающие и околоводные птицы Башкортостана. Уфа, 2005.
Тәрж. Г.А.Миһранова