КРАЙКИН Владимир Александрович

КРАЙКИН Владимир Александрович (30.5.1955, Өфө), химик. Химия ф. д‑ры (2008). БДУ‑ны тамамлағандан һуң (1978) Органик химия ин‑тында эшләй: 2008 й. алып төп ғилми хеҙм‑р, 2011 й. лаб. мөдире. Фәнни хеҙмәттәре юғары т‑раларға тотороҡло полимерҙарҙың синтезын, модификацияһын һәм деструкцияһын, уларҙың төҙөлөшөнөң термик, физик‑химик һ.б. үҙсәнлектәренә тәьҫирен; мономерҙарҙың реакцияларға һәләтен, (со)полиариленфталидтарҙың термик модификацияһын һәм карбонлашыуын, микроструктураһын һәм үҙенсәлектәрен йүнәлешле көйләүҙе тикшереүгә бәйле. К. тарафынан фталидлы (со)мономерҙарҙың поликонденсация реакцияларын, барлыҡҡа килгән (со)полиарелинфталидтарҙың деструкцияһын, составын һәм композицион төрлөлөгөн тикшереүҙең фталидлы мономерҙарҙың, полимерҙарҙың (ш. иҫ. олигомерҙарҙың) төҙөлөшө, полимер сылбырының оҙонлоғо, макромолекулаларҙың топологияһы һәм берләшмәләрҙе ионлаштырыусы мөхиттәрҙә эреткәндә барлыҡҡа килгән триарилметил карбокатиондар бәйләнештәренең үҙ-ара тәьҫир итешеү дәрәжәһе араһындағы корреляцияларына нигеҙләнгән ысулы уйлап табыла. 120‑нән ашыу фәнни хеҙмәт һәм 4 уйлап табыу авторы.

С.В.Колесов

Тәрж. Р.Ғ.Ғилманов