КУПОВЫХ Пётр Николаевич
КУПОВЫХ Пётр Николаевич (1.10.1930, БАССР‑ҙың Иҫке Балаҡатай районы Иҫке Балаҡатай а. (БР‑ҙың Балаҡатай районы) — 26.5.1985, Октябрьский ҡ.), инженер‑механик. Техник фәндәр кандидаты (1975). ӨАИ‑ны тамамлағандан һуң (1954 й.) 20‑се почта йәшниге предприятиеһында эшләй. 1958 й. алып Бөтә Союз геологик разведка скважиналарын геофизик өйрәнеү ғилми-тикшеренеү һәм проект-конструкторлыҡ институтының (Октябрьский ҡ.) өлкән инженеры, отряд начальнигы, 1965 й. — баш геофизигы, 1975—83 йй. лаборатория мөдире. Фәнни‑производство эшмәкәрлеге каротаж кабелгә беркетелгән приборҙар ярҙамында ер ҡатламдарын гидродинамик тикшереү һәм һынап ҡарау һөҙөмтәләренә интерпретация биреүҙең техник сараларын уйлап табыу, технологияларын, методикаһын асыҡлауға бәйле. СССР Дәүләт премияһы лауреаты (1980).
В.Ф.Кудряшова
Тәрж. Л.Ф.Мәмбәтҡолова