ЛАТЫШ Валентин Мефодиевич

ЛАТЫШ Валентин Мефодиевич (20.11.1917, Екатеринослав губернаһы Бәләкәй Токмачка а. — 15.9.1990, Куйбышев ҡ.), хужалыҡ эшмәкәре. РСФСР‑ҙың атҡаҙанған геологы (1974). Б.В. һуғышында ҡатнашыусы. Днепропетровск тау институтын тамамлаған (1940). 1952 й. алып Башҡортостан территориаль геология идаралығының баш инженеры, 1955—78 йй. начальнигы. Л. етәкселегендә Көнбайыш Озёрный, Маҡан, Октябрьский, Подольск, Юбилейный һ.б. баҡыр колчеданы ятҡылыҡтары асылған. Александр Невский (1943), 2‑се дәрәжә Ватан һуғышы (1944), Хеҙмәт Ҡыҙыл Байраҡ (1963, 1971), Ҡыҙыл Йондоҙ (1942) ордендары менән бүләкләнгән.

Тәрж. Г.М.Ғәлиева