ЛЮБУШКИН Виктор Васильевич
ЛЮБУШКИН Виктор Васильевич (23.10.1913, Ырымбур губернаһы Орск өйәҙе Айҙарәле приискыһы ҡсб, хәҙер Ырымбур өлкәһе Кваркен районы Айҙарәле ҡсб, — 1.2.1983, Учалы ҡ.), совет партия һәм хужалыҡ эшмәкәре. 1939—40 йй. совет‑финлянд һуғышында ҡатнашыусы. Баймаҡ тау‑металлургия техникумын тамамлаған (1936). 1931 й. алып геологик разведка идаралығының (Баймаҡ эшселәр ҡасабаһы) быраулау мастеры, 1936 й. — Сибай руднигында тау эштәре мөдире, шахта идаралығының техник етәксеһе, 1942 й. — ВКП(б)‑ның Баймаҡ район комитеты инструкторы, 1943 й. — секретары, 1948 й. — ВКП(б)‑ның Башҡортостан өлкә комитетының бүлек мөдире, 1955 й. — КПСС Сибай ҡала комитетының 1‑се секретары; 1961 й. башлап Башҡортостан ХХС‑ының, 1963 й. — Урта Волга ХХС‑ының Төҫлө металлургия идаралығы начальнигы, 1966—74 йй. Учалы тау‑байыҡтырыу комбинаты директоры. Л. етәкселегендә БАССР‑ҙың алтын табыу сәнәғәте, Баймаҡ рудник идаралығы, Башҡортостан баҡыр‑көкөрт комбинаты, Учалы тау‑байыҡтырыу комбинаты үҫеш ала. БАССР ЮС‑ының 3—6‑сы саҡырылыш депутаты. Ленин (1956), Хеҙмәт Ҡыҙыл Байраҡ (1949, 1971), Ҡыҙыл Йондоҙ (1970), “Почёт Билдәһе” (1961, 1966) ордендары менән бүләкләнгән.
П.И.Пирожок
Тәрж. Х.А.Шәрипова